15-year-old Filipino Thia Megia passes American Idol audition
15-year-old Filipino Thia Megia passes American Idol audition Ngayong gabi, January 27, ipalalabas sa Pilipinas ang episode ng American Idol Season 10 kung saan nag-audtion ang 15-year-old Pinay na si Thia Megia.
Sa audition niya sa Milwaukee, kinanta ni Thia ang "Chasing Pavements" ni Adele.
Pinabilib ni Thia ang tatlong judges na sina Randy Jackson, Steve Tyler, at Jennifer Lopez sa kanyang husay sa pagkanta. Tatlong "yes" ang nakuha ni Thia mula sa judges kaya tutuloy siya sa Hollywood para sa next round.
Ayon kay Jennifer, "total package" daw si Thia at kumportable ito habang nagpe-perform.
"I love your voice," sabi naman ni Steven. Nagustuhan din ng Aerosmith lead singer ang "character" ng batang singer.
Si Thia ay unang napanood sa U.S. nang mag-audition siya sa isa pang reality show, ang America's Got Talent, noong 2009. Nakapasok si Thia, na noo'y 14 years old lang, sa semifinals.
Ayon kay Thia, isang high school student, ang plano niya sana talaga ay sa Season 11 pa siya mag-o-audition para sa American Idol. Pero nang babaan ang age limit mula 16 years old to 15 ay nagdesisyon na siyang subukan ang kanyang kapalaran.
Lumipad pa sa Wisconsin si Thia at ang kanyang mga magulang para sa Milwaukee audition. Hindi niya na raw kasi mahintay ang audition sa California, kunsaan sila nakatira sa Mountain House.
Tiyak na maraming Pinoy ang mag-aabang ngayong season ng American Idol dahil isa na namang kababayan natin ang nakapasa sa audition at malaki ang tsansa na makapasok hanggang sa Top 12.
Ang American Idol ay napapanood dito sa Pilipinas sa Q11 at Star World.
Reposted From PEP (Philippine Entertainment Portal)
4 comments:
Congratulations to her! another talent that we, Filipinos, would be proud of. Mabuhay tayong lahat!
God bless!
Hi Rossel,
Katulad ni Manny Pacquiao ay marami ring pintuan ang nabuksan dahil sa outstanding talent ni Charice. Sana matulad din sa kanya ang bagong Pinoy talent na ito. Thanks for your visit and comments. God bless you all always.
Oi, galing ha. Hope she will make it to the top. Go Pinoy!
Hi Tocayo,
Yes, let us all pray that she reaches the top and will be declared the latest American Idol winner. Thanks for your visit and comments. God bless you all always.
Post a Comment